Nowruz, magħruf ukoll bħala Novruz, Navruz, Nooruz, Nevruz, or Nauryz, li jfisser “jum ġdid” bil-Persjan, huwa festival antik li jiċċelebra l-ewwel jum tar-rebbiegħa u l-bidu tas-sena l-ġdida skont il-kalendarju Iranjan.
Din il-festa, li ġiet iċċelebrata għal aktar minn 3,000 sena, issir fil-21 ta’ Marzu, fil-jum meta tibda r-rebbiegħa, meta l-ġurnata u l-lejl huma twal l-istess. Hija ċċelebrata minn aktar minn 300 miljun persuna madwar id-dinja, inklużi reġjuni bħall-Balkani, il-Baċir tal-Baħar l-Iswed, il-Kawkasu, l-Asja Ċentrali, il-Lvant Nofsani, u oħrajn.
Fl-2010, l-Assemblea Ġenerali tan-Nazzjonijiet Uniti rrikonoxxiet uffiċjalment l-importanza ta’ Nowruz billi ddikjarat il-21 ta’ Marzu bħala l-Jum Internazzjonali ta’ Nowruz. Dan ir-rikonoxximent enfasizza l-valuri ta’ paċi, solidarjetà bejn il-ġenerazzjonijiet u l-familji u rikonċiljazzjoni li Nowruz tippromwovi, u b’hekk tikkontribwixxi għad-diversità kulturali u l-ħbiberija fost il-popli u l-komunitajiet differenti.
Iċ-ċelebrazzjonijiet ta’ Nowruz ivarjaw minn reġjun għal ieħor, iżda ħafna drabi jinkludu tradizzjonijiet dik ta’ “Haft-Sin” magħruf ukoll bħala Haft-Seen– mejda b’seba’ oġġetti li isimhom jibda bl-ittra Persjana “S”, kull wieħed b’simboliżmu speċjali.
Is-Seba’ Oġġetti Tradizzjonali ta’ Haft-Sin:
Sabzeh (سبزه): Ħaxix imrobbi minn qamħ, xgħir, jew għads, li jirrappreżenta t-tiġdid u l-ħajja ġdida.
Samanu (سمنو): Pudina ħelwa magħmula minn ġermogli tal-qamħ, li tirrappreżenta l-qawwa u l-abbundanza.
Senjed (سنجد): Frott niexef tal-oleaster, li jirrappreżenta l-imħabba u l-fertilità.
Seer (سیر): Tewm, li jirrappreżenta s-saħħa u l-protezzjoni kontra l-ħażen.
Seeb (سیب): Tuffieħ, li jirrappreżenta s-sbuħija u s-saħħa.
Somāq (سماق): Summak, li jirrappreżenta l-għeluq tal-lejl u l-bidu ta’ jum ġdid.
Serkeh (سرکه): Ħall, li jirrappreżenta l-paċenzja u l-età.