Ħafna sidien ta’ karavans u kampers huma rrabjati wara l-avviż legali.

Wara l-avviż legali dwar l-użu temporanju maħruġa għall-użu ta’ Karavans u Kampers li ġiet introdotta l-bieraħ 22 ta’ Ġunju 2023 jidher li ħafna sidien jinsabu frustrati b’dan l-avviż .

Rajna diversi kummenti fuq il-midja soċjali Facebook. Jidher li dan l-avviż legali tant qanqal rabja fost is-sidien li f’waħda mill-posts fuq paġna pubblika hemm miktub hekk:

“Hello lil kulħadd, is-Sibt fl-4 pm ħa insemmgħu leħinna taħt is-Salina hotel. Min jista’ jiġi aħjar ħalli ningħaqdu. Grazzi”

Fost il-kummenti, kien hemm min ippropona li ssir protesta u jingħalqu t-toroq mill-karavans u l-kampers, oħrajn irrabjaw għal dan il-messaġġ u qalulha li jekk iridu jmorru jipprotestaw għanda issir protesta quddiem Kastilja u mhux jagħlqu t-triq lil ħaddieħor.

Intant, wara li l’bieraħ ġiet imxandra l-aħbar ta’ dan l-Avviż Legali fuq is-sit ta’ FaceBook ta’ TVM jidher li fil-maġġoranza tar-reazzjoni mill-pubbliku kienu pożittiva u fil-maġġoranza tal-pubbliku għafsu “like”

Fost il-kummenti li l-aktar ġew innutati huwa li fil-mument iż-żona magħżula għadhom mhumiex lesti b’hekk l-ewwel kellu jkun hemm postijiet lesti qabel ma ħareġ dan l-avviż legali.