In-Nutar Myriam Spiteri Debono għall-kariga ta’ President tar-Repubblika, Aġent President Dr Francis Zammit Dimech

Il-Parlament se jivvota dwar in-nomina tan-Nutar Myriam Spiteri Debono għall-kariga ta’ President tar-Repubblika ta’ Malta fis-seduta ta’ nhar l-Erbgħa 27 ta’ Marzu.
Dan il-vot ser ikun qed jittieħed wara diskussjonijiet bejn il-Prim Ministru u l-Kap tal-Oppożizzjoni.
Iktar kmieni llum, il-qbil li ntlaħaq bejn il-Prim Ministru u l-Kap tal-Oppożizzjoni kien issiġillat f’laqgħat separati tal-Gruppi Parlamentari rispettivi.
Il-Prim Ministru u l-Kap tal-Oppożizzjoni qablu wkoll li meta jkun meħtieġ li jinħatar Aġent President skont il-Kostituzzjoni ta’ Malta, il-Prim Ministru se jkun qed jaħtar lil Dr Francis Zammit Dimech.​